韓劇《繼承者們》嘅50歲美魔女金成鈴，公認保養得宜，外表點睇都唔似50歲，真係羨慕死人。

有人話女人嘅一雙手可以洩露年齡嘅秘密，不過金成鈴嘅一雙手就冇呢個問題。金成鈴噚日喺Instagram上載佢拍攝廣告時嘅新照，當中佢喺照片中都有展示佢一雙手，只見佢一雙手同佢啲肌膚一樣皮光肉滑，唔見有皺紋或青筋暴現，認真天生麗質。