「爭普選講N年，要講嘅已經講咗好多，但點去發掘新角度，鼓勵性來來去去都幾個方法，可能鼓勵唔到之餘仲好悶，有相反效果。」尊子說，雨傘運動期間，事情發生快、事件多而細碎，畫漫畫前要接收、分析各方反應才能融會貫通，「習慣睇埋兩邊反應，（警察）扑人嘅反應、被扑嘅反應、現場嘅反應、許Sir嘅反應。涵蓋性越大，得到嘅迴響就會越大，只講某一點某片段，稍為離開嘅人都冇感覺，作品嘅影響力就好低」。
尊子筆下政治人物活現，簡單四格，針砭時弊，令人會心微笑。原來他覺得三任特首中，梁振英雖然題材多但較難畫，「佢啲嘢聽起來對好多人嚟講好似係有道理，你要拆解係需要一啲功夫，你用比喻要精闢」。有別於大商家及公務員出身的董建華與曾蔭權，正因為梁懂得說一些市民「啱聽」而且似是而非的話，尊子不諱言，要花精力與他「鬥技術」。
《蘋果》記者