周三（27日）快活谷夜馬提早於今晨（24日）排位，對馬匹操練安排未見太大影響。今天晨課，如常是那幾個馬房積極做工夫，包括蔡約翰（外號神仙）、羅富全、何良、告東尼、蘇保羅等幾個華洋倉口，都頗有睇頭。

蔡廐幾匹參戰馬，「紅運發財」跳兩段，戴頭罩，直路自動加速，走得開心兼起勁，狀態甚出色。「運財童子」跳一段，步穩勁力貫注。「八心之友」跳一段，馬身喼得壯，過步開揚有力，這對勤拼馬狀態都喼得好。

響2018年來臨之前，蔡約翰暫時只能在龍虎榜做阿二，但落後榜首羅富全唔多，只係兩場頭馬，只要於周三年終戰贏兩Win或以上而，就有機會可坐上首席之位，昂然踏入新的一年。

而計其參戰馬實力，佢當然有力辦到，就以上述三駒均處於作戰佳態，隨時可以勇冠群雄，從而給神仙蔡過番一哥癮幫上一把。