四十一歲的阿娟月前遭丈夫拋棄，遺下她與兩名兒女，生活無依。為了孩子的生活，她多次找工作都落空。一家三口被迫向親友借錢度日，每日兩餐以白飯送鹹蛋、腐乳，甚或杯麵、麵包果腹，近日更無力繳付兩個月的欠租而面臨迫遷，境況堪憐。蘋果日報慈善基金即時撥款五千元，助解燃眉之急。

「呢排管理員成日打電話追我交租，佢話如果再唔交租就會搵人收樓，到時都唔知同啲仔女住邊度。」愁眉不展的阿娟歎道。
任職售貨員的她，與丈夫結婚十五年，育有兩名分別十一歲及十三歲的兒女。婚後她辭退工作，留在家中相夫教子，一家四口的生活重擔便落在任職地盤散工的丈夫身上。
受經濟不景影響，今年二月其夫遭公司裁員，失業至今，一家四口一直依靠向朋友及親戚借錢度日，生活陷困。兩個多月前，其夫不辭而別，獨自返內地，家庭的「爛攤子」便由她一力承擔，至今仍無法聯絡其夫。
「佢之前都試過突然返大陸，不過呢次係最耐，我都冇辦法。惟有樂觀啲睇，或者有好多人重慘過我，𠵱家淨係擔心冇錢交租同埋開飯，遲啲仔女開學，都唔知邊度搵錢畀佢哋買書簿。」她無奈地說。