韓國年度樂壇盛事《MAMA音樂頒獎禮》已連續五年喺香港舉行，當中去年更邀得黎明頒發壓軸大獎。

雖然0依家只係6月，但年底舉行嘅《MAMA》現時都正在籌備中，根據今日韓國方面消息，相關人士透露今年《MAMA》或搞搞新意思，會喺香港、日本同韓國三地直播，有關方面話：「0依家正商討緊喺香港、日本、韓國等地區進行三元化直播，目前仍在考慮中，每年我哋都會考慮喺邊度舉行頒獎禮，今年我哋仍會考慮唔同嘅可能性。」

對於《MAMA》係唔係會喺三地直播，主辦Mnet方面就話無論舉辦地點定直播方式，甚至有乜嘉賓出演，一切都尚未確定。