當年今日
關於我們

【韓流】李棟旭加盟《太陽》編劇新作

蘋果日報 2016/05/27 06:00

蘋果香港韓國即時鬼怪金高恩太陽的後裔李棟旭金恩淑

韓國黃金編劇金恩淑由《巴黎戀人》起,打後嘅作品如《秘密花園》、《紳士的品格》、《繼承者們》等劇都相當受歡迎,當然仲有上月先播完嘅神劇《太陽的後裔》,亦都係出自編劇金恩淑嘅筆下,幾乎可以話其作品係收視嘅保證。而早前有消息話金恩淑將會為tvN劇集《鬼怪》執筆,所以選角一事都已經引起大眾注意。

繼噚日《奶酪陷阱》女星金高恩確定出演金恩淑新劇後,今日已有消息傳出,指《HotelKing》男星李棟旭有機會出演《鬼怪》,喺劇中飾演非常符合21世紀風格嘅陰間使者王余。而李棟旭嘅所屬事務所亦表示:「李棟旭的確收到出演嘅邀請,依家正積極討論緊。」似乎出演嘅成數相當之高。而粉絲睇到消息後都相當興奮,紛紛留言希望李棟旭答承出演。