日本電影《NANA》女主角中島美嘉深受亞洲樂迷歡迎，同排球選手清水邦廣結婚三年，兩人各有各忙，美嘉繼開完台灣個唱後，早前就開記者會宣佈進軍大陸，分別於深圳及杭州開騷。

不過，美嘉官方網站今日突然公佈原定10月15日舉行嘅深圳個唱要被迫叫停，原因係10月18日至24日要舉行中國共產黨第十九次全國代表大會，公安局命令主辦單位將美嘉個唱延期，至於杭州站就暫會如期於10月13日開騷。