想當年，「豆腐佬」叫拓海喺架車入面擺個水杯，要佢飄移過彎唔好倒瀉水先至合格。時至今日，就有美國游泳名將列迪姬有個「朱奶游水」練習。

列迪姬禮拜一就喺Instagram post咗條片，竟然練埋擺杯奶喺個頭到游，杯奶仲要目測超過三分二滿。結果佢又真係成功游到一個50米直池，而且一滴不漏，仲話「或者係我職業生涯其中一次最好嘅表現」。不過查實呢個係當地一間牛奶公司嘅宣傳活動，而列迪姬係其中一個獲邀嘅名人。活動就係用番公司一個以往出名嘅宣傳口號「Got Milk?」，再喺Tiktok搞個#gotmilkchallenge，鼓勵網民拍低一啲得意關於牛奶嘅短片。

23歲嘅列迪姬15歲首次亮相奧運舞台，便爆大冷摘下2012倫敦奧運800米自由泳金牌，參與2屆奧運拿下5金1銀佳績，同時是世錦賽（長池）15金得主，23歲已是女子400、800及1,500米自由泳世界紀錄保持者。本來呢個時候應該出戰緊2020東京奧運，不過因為武漢肺炎 疫情 影響，要留番下年先有得鬥。