朱玲玲今早到養和醫院探望新抱郭晶晶同孫仔，其工人曾經拎住疑似相機腳架袋入醫院。

約11點半朱玲玲離開醫院時笑容燦爛，表示晶晶已經可以進食，但未開始補身。問到晶晶係咪餵人奶，朱玲玲話：「係人奶。」至於BB個樣可有變，似爸爸霍啟剛定係媽媽晶晶，佢話：「日日有啲不同，遲啲發相你哋睇完話我知。」至於BB有冇已經「斟茶」俾「嫲嫲」，朱玲玲話：「哈哈，唔知你哋講乜」佢更透露霍啟剛學習湊仔。於今日發相係咪由佢操刀，佢就否認，但有為BB影相。而朱玲玲及後由老公羅康瑞嘅公司車車走。