「其實今次係第一次喺台灣金曲獎，我好想多謝一個人，就係我太太，因為如果唔係佢，我唔會喺台灣，7年前寫到第一首國語歌，同埋唔會想嚟台灣發展。所以其實我好想多謝佢，其實佢唔係圈中人，一年前我哋喺加拿大註冊結婚，都係好低調咁結婚，冇話俾好多人聽，所以一路都唔係好多人知道。」剛於第28屆金曲獎頒獎典禮領過最佳編曲人獎，並宣佈出櫃的盧凱彤接受《蘋果》電話訪問時說。

甫離開頒獎台，捧獎返到後台接受傳媒訪問時，盧凱彤笑言「頭先好唔冷靜，依家都未平伏到。」她接受有線訪問時講及何以選擇在這個時機出櫃，說:「之前一直有諗過，如果今日得獎嘅話，我會唔會多謝佢，但其實真係到頭先上台攞獎時，我都有閃過一下，覺得我冇可能唔多謝我太太。」盧凱彤表示若不是余靜萍，她不會第一首國語歌，更不會來台灣發展：「因為佢係台灣人嚟嘅，所以我一定要親口多謝佢，將呢個獎獻俾佢。」並透露去年已於加拿大結婚，並稱希望兩年後台灣同性婚姻合法時，可以再於台灣登記。

盧凱彤表示太太今晚在家中看頒獎禮直播，未有到場，盧凱彤謂：「希望冇嚇親佢啦！」問她如一陣拎埋金曲獎歌后時會否再次多謝太太？盧凱彤笑道:「我就唔多謝佢啦!仲有好多人要多謝！做張唱片嘅又唔係佢，做張唱片嘅係我嘅團隊嘛!仲有好多人要多謝！」

早已出櫃、一向視盧凱彤如親妹的黃耀明以短訊回覆本報稱：「高興她可以坦蕩蕩，活出真我的本色。」