當年今日
關於我們

【咁識揀日子】陳偉成健身室受疫情停業首日 6磅半囝囝早產出世

蘋果日報 2020/03/28 18:20

陳偉成Avis早產黃樂樂

陳偉成(Avis)去年底跟做牙醫護士的黃樂樂(真名黃藹樂)簽字結婚,陳太日前牛一,Avis在IG公佈老婆有喜陀B仔,預產期原本在下月初,兩夫妻近日更在網上徵求給囝囝改乳名,樂樂看過大家建議,她最後決定為兒子改名「大陳生」,樂樂前晚並向老公顯霸氣說:「係『大陳生呀』,BB出世之後,佢係大時,你係細。佢企嘅時候,你唔准坐。佢係莊,你係閒。」二人期待囝囝下月出世,可是「大陳生」應父母召喚,今日急不及待出來看世界,本來擇好日子剖腹生產,但BB最後順產出世,母子平安,「大陳生」重6磅半。
樂樂今早突然穿羊水,Avis即送太太到醫院待產,陪老婆入產房生仔。由於他們都沒有生仔經驗,樂樂做過護士較淡定,由於BB早產,他們都未及執拾走佬袋,Avis形容今早心情超級緊張:「今日BB突然出世,比預產期早咗3星期,老婆早上6點半去完廁所,突然間穿咗羊水,老婆早晨仲嘻嘻哈哈同我講,然後我立即車佢去養和。我陪佢一齊生嘅時候,醫生叫佢深呼吸10至15秒,我都完全冇透氣,不斷喺度打氣。經歷過陪老婆生仔呢6小時,完全冇藉口可以對老婆唔好,我仲要一百倍對佢更加好,媽媽真係偉大,如果未陪過老婆入去生仔,我覺得一定要嘗試吓,真係有另一番感覺,BB出世嗰陣,原來真係會感動到喊,我哋兩個都喊到成隻豬仔咁,完全估唔到BB會喺呢40年香港人最辛苦經歷嘅一年出世,我啲健身室停工第一天,BB就出世了。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
(IG圖片)
empty
Avis升呢做爸爸(IG圖片)
empty
小陳生抱住大陳生。
empty
Avis說睇住分娩過程,就知道一定要對老婆好。