做女人有時為咗靚都幾辛苦，除咗要美容護膚化妝，又要做運動keepfit，保持健美體形，而所為「fit」同「索」嘅定義經常都變，繼事業線後，早前唔少女性亦追捧馬甲線，狂操腹肌。亦有女士追求大髀罅（thighgap），即係對腳拍埋企時會見到罅隙。

最近歐美名人吹起新潮流，馬甲線、大髀罅已經out咗，佢哋呢期興起Abcrack，即伙腹肌中間有條好明顯嘅坑紋！唔少模特兒及女星不時喺IG晒腹肌坑，例如《失蹤罪》(GoneGirl)美國性感女星EmilyRatajkowski、VS內衣模特兒StellaMaxwell、模特兒KendallJenner、BellaHadid、JourdanDunn等等。要有腹肌坑都唔簡單，一定每日要花好多時間練腹肌，有網民就話靠化妝都可以扮有腹肌坑。