黃翊太太陳存正本身患有腎病，早前暈倒入院留醫，黃翊今日與兒子一起接老婆出院，陳存正出院時行動緩慢，坐下接受訪問：「多謝大家關心，我唔怕辛苦會努力做運動，令身體健康好啲，大家唔使擔心。」黃翊指最近多咗途人會關心問候，十分感激。

現時陳存正需覆診洗血，黃翊指太太比早前更精神：「o依家佢可以自己行，但傷口會有啲痛，o依家最想返屋企幫佢洗頭沖涼，多啲休息。」早前黃翊生日，佢話可以一家齊整已是最佳禮物，會盡量抽時間陪太太：「會盡量抽時間，出咗新碟要宣傳。家姐、阿仔都幫手照顧，阿仔o依家有媽咪睇住會乖啲。」今次太太住院個多月花費不少，黃翊指要努力搵錢。

精選娛聞，喺晒《娛果》
http://fb.com/appledailyent