「我兩、三年前腰骨開始歪,但我唔想俾人知,驚人哋會笑我。因為我着咗衫外表睇唔出,所以連爸爸媽媽都唔知。」清仔羞怯地說。「有時彎腰拎重嘢都會痛,不過我最驚影響發育,希望可以盡快醫好個病。」
背部凍傷肌肉壞死
清仔的四十多歲父親石培水表示,清仔出生後不久,由於天氣嚴寒,加上衞生環境惡劣及護理不善,致其左邊背部凍傷,皮膚及肌肉因為血液循環受阻而壞死,他花了二千多元把清仔送往醫院接受治療,好不容易救回兒子一命,惟背部卻留下大片疤痕。
九九年,石培水為了生計,離鄉別井走到城市打工,一年才回家一、兩次。直至去年十月,他回家探望子女,才猛然發覺清仔的腰骨竟已嚴重畸形。
「我有次見佢個身好似歪埋一邊,就掀高佢件衫嚟睇,先知道原來問題咁嚴重,我當時個心都寒晒,心諗自己害咗個仔一世。𠵱家既成事實,我只係想盡量補救。」石先生歎道,由於妻子沒甚學識,加上清仔刻意隱藏,以致事隔良久,他才得知兒子問題如此嚴重。