香港唔少後生仔買樓「上車」就靠父幹，不過NBA湖人新秀朗素波爾（Lonzo Ball），成為今年榜眼，老豆又識搵錢，連帶兩個細佬未入NBA已經大把錢，剛剛16歲嘅3弟拿美路波爾(LaMelo Ball)，生日禮物就真係上車，係獲得一架林寶堅尼跑車。

波爾家族靠「大咀巴老豆」搞吓新聞，又出自家品牌波鞋，呢一兩年都搵唔少錢；拿美路波爾新一年先會升讀阿哥母校UCLA，準大學生已經派頭十足，上月尾生日，近日就大晒架林寶堅尼跑車，而二弟拉安祖路（LiAngelo Ball）原來之前已經揸法拉利，反而大哥最樸素，揸平治渣。