當年今日

隔牆有耳:單仲偕解散班底 - 李八方

蘋果日報 2008/06/08 00:00


民主黨副主席單仲偕由資訊科技界轉戰直選,月前準備出選九西時,已陸續招兵買馬籌組助選班底,同時喺紅磡、深水埗租用辦事處做據點,後來變卦想去馬港島,放棄已租用嘅辦事處,不過幾個職員卻留用,八方收到風,近日呢幾名職員各有出路,僅一人繼續幫單仲偕手。
據了解單仲偕早前請咗四個職員,其中一人試用期後離職,單仲偕表態唔出選港島後,冇需要咁多人幫手,另外兩人過檔做黨友助手,佢繼續聘用一人做助理。外傳單仲偕雖然唔選港島,卻有可能考慮重返九西,甚至候機再闖港島,𠵱家佢解散班底,相信可顯示佢意向端倪,不過政治上一日都太長,再有變數毫不令人意外。