當年今日

澳門開騷互相踐踏
矮細克勤寸GiGi嫁唔出

蘋果日報 2008/06/08 00:00


李克勤前晚在澳門舉行演唱會,請來梁詠琪(GiGi)做嘉賓,高過克勤一截的GiGi暗寸他矮細,克勤聞言即不甘示弱反寸她「嫁唔出」,GiGi聞言甚為無癮,立即扯開話題,以笑容來掩飾尷尬。
身為澳門人的李克勤前晚返「鄉下」開騷,他在威尼斯人度假村酒店內的金光綜藝館舉行演唱會,入座率有八成,由於入場觀眾需要搜袋檢查,故此演唱會延至8時40分左右才開始。
empty
克勤與觀眾握手,事後才發現被抓傷手臂(小圖)。
empty
克勤在演唱會上載歌載舞,贏得不少掌聲。
「換對鞋先再唱」
克勤以一曲《夏日之神話》揭開序幕,之後他說:「今日落咁大雨,我擔心冇人嚟。我係澳門人,喺度開騷特別有意思。」不過台下觀眾反應一般,克勤笑言:「我都知大家比較慢熱,因為搜袋搜咗太耐。」
當克勤唱《高妹》時,嘉賓梁詠琪身穿白色吊帶裙伴舞,還大跳貼身舞,GiGi主動摸克勤的面,其間克勤要企高一級樓梯才能摸到她的頭。唱完後,GiGi暗寸克勤矮說:「我換對鞋先再唱。」克勤即反寸她說:「唔使啦,我又唔係嫁唔出。」GiGi聞言即甚為無癮兼尷尬,惟有笑笑口扯開話題說:「我好鍾意嚟澳門,好多美食。」
另外,克勤唱了約10分鐘快歌,他笑稱:「容祖兒跳20分鐘,我大佢一倍,跳10分鐘差唔多。」到「安哥」環節,有部份觀眾開始離座,克勤見狀笑言:「嚟賭場開騷係咁,有啲觀眾手痕要去玩兩手。」完騷前,克勤笑稱大會叫他不要唱太多歌,以免阻礙觀眾到賭場耍樂。
事後問克勤寸GiGi嫁唔出,會否怕她嬲?他說:「呢啲叫幽默感,佢唔會嬲。」克勤透露由於現場沒有秘密通道,故此大會要訂做大木箱運送他到台底,克勤百無禁忌說:「佢哋用四塊半(指棺材)運我入台底。」
empty
身穿吊帶裙的GiGi,俯身鞠躬時忽然有睇頭。
自爆幽閉恐懼症
記者笑問克勤可有聞到柳州木味,他笑言:「冇喎,但個箱要做大啲,因為我有密室幽閉恐懼症。」他表示父母及老婆盧淑儀都有來捧場,但由於遇上大雨,老婆遲了一個多鐘才到達。
採訪:胡比 攝影:葉君海