【add名人時尚】疫情下的生活 胡家惠絞盡腦汁湊女 生意變陣求生
蘋果日報 2020/03/11 02:00
add胡家惠add名人時尚
2002年港姐季軍胡家惠離婚後重新出發，去年9月和拍檔在中環開了美容院，原定上月舉行開幕禮，但疫情下一切取消，「生意跌咗超過一半，因為啲人都唔肯出街，何況去美容院做facial？」
生意難做，她指美容院附近的蘭桂坊，已經有7間餐廳倒閉，她做足防疫兼積極變陣，客人入門要量體溫、換鞋，每間房用完即消毒殺菌，又推出針對喉嚨痛做的精油treatment等。「在疫情之下，係咪應該要多元化呢？佢哋唔能夠嚟，我哋就賣產品，拍片放上網教佢哋用啲手法，喺屋企都做到，總之諗啲嘢變通啦。」健康即食湯包生意，反而因人人不出戶而生意大升，算有危有機。
最令她頭痛，是和其他媽咪一樣，花盡腦汁幫留家的女兒搵節目，「真係好頭痛，因為佢哋極之極之好動，唔使返學，又冇得落街。我喺屋企真係entertain佢哋得好緊要，又要同佢哋畫花面貓，喺個廳度野餐啦，又要同佢哋焗吓多士，買玩具畀佢哋，等佢哋唔使長期望住電視，好彩老師都有online功課，但咁諗，呢段時間多啲同小朋友一齊都係有得着的。」為慳口罩，她改為代工人姐姐出街買餸，街市超市變了新蒲點，「我都好鍾意shopping買嘢，咁耐冇買，就算買咗都冇機會着，逛吓超市都好，哈哈！」
採訪：林妙萍
攝影：周樂恒
攝錄：林德雄、郭賢興
剪接：徐家希
場地:Ciao Bella
攝影：周樂恒
攝錄：林德雄、郭賢興
剪接：徐家希
場地:Ciao Bella
38歲的胡家惠樂觀面對疫情。
蘭桂坊連執多間餐廳，整個中環都淡靜。
疫情下，顧客不上門做facial，她自拍美容片，教人買產品在家自己護膚。
即食健康湯包，在人人不出街情況下，反而生意有增長。
在家中大廳玩野餐。
她和其他媽咪一樣，要為孩子諗節目。
和囡囡拍片教抗疫。