【鄭嘉穎呢？】陳凱琳陀B身體不適再被雷吵醒 祈禱渡長夜
蘋果日報 2020/06/06 17:10
鄭嘉穎陳凱琳
（《雷神奇俠3：諸神黃昏》劇照、IG圖片）
「雷神」今晨襲港！受一道低壓槽影響，廣東沿岸下大雨及雷暴，今日凌晨香港多個地區落大雨，天文台更一度發出黑雨警告，閃電和雷聲不斷，令不少人在睡夢中被吵醒，其中陀着第二胎的靚媽陳凱琳亦是受害者之一，她今天在社交平台透露：「昨晚可以話係一波三折，首先唔知道點解瞓瞓吓個人突然之間標冷汗，加埋個冷氣吹住令到我個頭開始有啲痛。飲完杯暖水終於瞓返嘅時候，被轟然的雷聲嘈醒咗，相信大家都聽到有幾咁厲害！再瞓返冇耐就到個背脊戚住戚住痛，可能係個肚開始大，令到某一啲部位會容易疲勞。」
孕婦本身已經容易身體不適，更何況冇覺好瞓？不過陳凱琳都沒有怨天尤人，反而積極面對，她說：「雖然整晚都覺得好唔舒服，但係我叫自己唔好驚，不斷祈禱，正所謂雨過天青。我要鼓勵自己，無論遇到咩問題嘅時候，都要remain calm & think positive，明天會更好。」黃翠如、楊潮凱、黃嘉樂及很多網民都紛紛留言慰問。
今個月將迎接29歲生日的陳凱琳，於上月20日宣佈家庭將添新成員，正式宣佈與已年屆半百的老公鄭嘉穎再度成功造人，陳凱琳去年情人節誕下囝囝鄭承悅（Rafael），鄭嘉穎及陳凱琳不時在社交平台晒仔，如今再添一員，變成四口之家，相信他們未來會繼續放閃，大晒溫馨。
-----------------------------
陳凱琳今日在IG稱昨晚睡得不安寧，身體不適兼被雷聲吵醒。（IG圖片）
鄭嘉穎與陳凱琳上月宣佈再成功造人，兒子Rafael升任哥哥。（IG圖片）
黃翠如等人紛紛慰問陳凱琳。（IG圖片）