根據政府提供嘅資料,鄭若驊外訪嘅地方包括法國巴黎、盧森堡、荷蘭海牙、奧地利維也納,當然亦都要上北京面聖。佢對上一次去英國倫敦就遇襲仆倒受傷,仲由英國轉咗去北京治療,不過文件就冇講佢去北京「求醫」係咪用公帑。
話律政司司長係「筍工」真係不為過,工作為名狂飛14次嘅鄭若驊薪酬預算開支為432萬元,即係一個月袋成36萬元,另外本年度分別預留10萬元及130萬元嘅公務酬酢及離港公幹開支。呢啲公費出「遊」,一般打工仔真係恨都恨唔到。話說教育局前局長吳克儉五年任期外訪逾50次,踏遍五大洲共18個國家,唔知鄭若驊卸任時,破唔破到佢紀錄?
另外,政制及內地事務局都有披露局長同政助全年人工,聶德權嘅人工係418萬,副局同政助就分別係313萬同125萬,預留畀部門嘅公務酬酢開支就有14.3萬元。
李八方