【阿媽我好亂...】湯洛雯倪晨曦首次「姊妹檔」 二人親妹無意入行

蘋果日報 2018/06/14 16:01

湯洛雯倪晨曦
    湯洛雯（靚湯）、倪晨曦（Elva）、衛詩、曾若華及鄧穎芝等，今日喺旺角出席手袋品牌活動，靚湯同Elva早前已經被形容為「失散姊妹」，今次兩人首次「姊妹檔」出活動，仲話事前大家已夾好髮型同衣着。
    兩個受訪時表示，家中各有親生妹妹，Elva話：「我有個孖生妹妹喺多倫多，報道出街後有好多人喺ig度follow佢。佢比我仲斯文同文靜，但因為佢已經結咗婚有兩個小朋友，所以無興趣入行。」
    至於靚湯就話妹妹細自己9年，由於妹妹身材出眾，所以經常有男同事問佢幾時帶妹妹出嚟見人，靚湯話：「妹妹都係好怕醜，上次有化妝品搵我哋拍廣告，幾乎要下跪求佢，仲要話俾埋我份糧佢先肯拍。」
    咁最後係咪將酬勞俾晒妹妹？佢話：「最後梗係走數，上次去馬爾代夫都係我請，反而佢係孝敬我。」稍後要同朱千雪去北海道，拍旅遊節目兼浸溫泉，佢話：「到時唔會再咁性感，喺馬爾代夫三點式，已經是絕地大解放。」
    精選娛聞，喺晒《娛果》
    http://fb.com/appledailyent
    empty
    倪晨曦（左）同湯洛雯（右）今日首次以「姊妹檔」出席活動。
    empty
    倪晨曦同湯洛雯，經常被誤會係失散姊妹。（ig圖片）
    empty
    倪晨曦（右）話佢嘅孖生妹妹，喺加拿大仲結咗婚生咗仔。（ig圖片）
    empty
    湯洛雯（右）同細9年嘅妹妹，早前一齊拍廣告，阿妹有身材但無意入行。（ig圖片）
    empty
    同場仲有衛詩，睇落好似瘦咗。
    empty
    谷德昭女友林子萱，同埋鄧穎芝。