【形勢大好】「陽明」系唔係發夢！堯堯點「亮」快樂聖誕
蘋果日報 2019/12/26 17:37
何澤堯谷草夜馬快樂聖誕陽明亮亮「陽明」系聖誕頭馬堯堯
是晚（26日）拆禮日跑谷草夜馬，馬主當然希望可收頭馬做禮物，咁就過一個快樂聖誕。
還記得上年呢一晚，「陽明」系就以「陽明滿滿」贏馬，贏馬功臣為何澤堯。
今年同一晚，何澤堯喺第三場又騎呢系馬「陽明亮亮」上陣，當然希望可再為馬主黃氏一家送上聖誕頭馬。
「陽明亮亮」季內跑咗四次兩度上名，狀態有水準，不過近兩仗跑谷草1650米，因受制於排檔不利而未能入位，上場更走三叠望空，被迫中段發力輸咗唔作得準。
今次再戰同程，有運地排在4檔起步，同場快馬唔多之下可以咬好位跑，應有機會為「陽明」系再送上聖誕頭馬。