中環在線：廳主紛進貢 賭王花膠滿屋 - 李華華
蘋果日報 2011/05/18 00:00
澳博（880）首季業績勝預期，美高梅中國（2282）上市又如火如荼，何鴻燊嘅賭國王朝繼續稱霸。有澳門前輩同華華講，查實賭王唔只開賭稱王，收藏一頭花膠，亦都係NumberOne。
前輩話，以前要做賭廳廳主，需要過五關斬六將，有晒批文都未得，最重要係得到一家獨大嘅「賭王」首肯先至叫成功。為博賭王首肯，大家就禮節性孝敬。賭王乜都有，仲有乜想要？唔係錢銀女人，而係花膠。
大家收到風，賭王非常鍾意以花膠補身，於是花膠就長期位列孝敬榜首三位，最穩陣得體嘅就係一頭花膠，據聞有人試過送一隻價值100萬嘅一頭花膠畀佢。據非正式統計，唔計百萬超級花膠王，賭王屋企嘅一頭花膠，應該多過上環嗰堆海味舖。
前輩話，以前要做賭廳廳主，需要過五關斬六將，有晒批文都未得，最重要係得到一家獨大嘅「賭王」首肯先至叫成功。為博賭王首肯，大家就禮節性孝敬。賭王乜都有，仲有乜想要？唔係錢銀女人，而係花膠。
大家收到風，賭王非常鍾意以花膠補身，於是花膠就長期位列孝敬榜首三位，最穩陣得體嘅就係一頭花膠，據聞有人試過送一隻價值100萬嘅一頭花膠畀佢。據非正式統計，唔計百萬超級花膠王，賭王屋企嘅一頭花膠，應該多過上環嗰堆海味舖。
一頭珍品價值100萬
至於花膠有咩食療作用，令賭王情有獨鍾？從中醫角度講，花膠有滋補作用，含豐富膠質同蛋白質，滋陰養血，固腎培精，對於肺腎虛弱、貧血等都有效，仲可以令人迅速消除疲勞。現代科學亦證明，花膠所含嘅膠原蛋白對人體好有幫助，膠原蛋白可以修復關節軟組織之外，仲可以令皮膚變得更有彈性同光滑。
李華華
mailto:[email protected]
李華華
mailto:[email protected]
廳主獻上花膠，希望可獲賭廳經營權。