【更新影片】

之前長居北京20年的熊小姐，打算返香港退休，覺得香港有「自由風」，今日用大約1,800萬元購買天寰2間兩房單位，一間用黎投資、一間自住。

天寰喺由一個全新地產商，啟德區亦又幾個樓盤賣緊，熊小姐話今次入市喺機緣同機會，一來代理介紹得好好；二來啟德城市規劃好吸引；三來息口又咁低，有筆錢響銀行又無利息，不如買磚頭，自己養老或者細路仔結婚都有個好啲嘅地方。

不時有投行專家提醒市民小心樓價下跌風險，熊小姐就話，「到平果時你就唔會買，時勢做人呀嘛」。

今次買樓仲有一個意思，希望可以鞭策囝囡，「做父母嘅幫佢哋行出第一步」，由阿媽畀首期，第時囝囡供樓，「供得起乜嘢樓，就送乜嘢樓既首期。」問到囝囡多大時，熊小姐起先指「好細」，記者追問下，原來囝囡目前30餘歲。

記者：陳東陽