姜麗文同姜文杰兩兄妹，際遇令人感慨。同屬唱得之人，爸爸係Paul哥秦沛，姜文杰亦曾於大台捱過，最後兩兄妹齊齊轉投港視，可惜發展又………

最近姜文杰同姜麗文齊齊參加浙江衛視節目《我不是明星》。該節目專係俾星二代參加，好似林德信、房祖名及原子鏸等等都有參加過。

但係論知名度，姜文杰真係爭啲，難怪喺第一集嗰陣兩人包尾。

到第二集時，姜文杰已經表示想退出，仲講咗件令人頗心酸嘅故事，佢話，當時自己喺無綫度捱緊，有時喺廠內見到爸爸(即秦沛)，都唔敢直接嗌佢爸爸，驚人家以為佢係靠父蔭，故此只能好似其他人一樣，嗌爸爸做Paul哥。

姜文杰仲話，今次參賽第一集竟然包尾，令佢亦不禁懷疑自己，做咗十幾年音樂，點解……竟然係咁嘅反應。

說也奇怪，之前冇話要退出，就包尾；到話退出喇，第二集竟然俾佢攞第一。0依家兩兄妹仲有繼續參賽，而且仲吸納咗好多內地fans，更有人幫佢開咗fanspage，封埋佢做男神添！

0依家兩兄妹嘅微博都明顯多咗人關注，都算係捱出頭來啦！