早前襲港宣傳電影嘅韓片《青年警察》男星姜河那，將於明日入伍，先接受訓練，之後於首都防衛司令部憲兵隊繼續服役，預計2019年6月10日退伍。

當兵前姜河那就爭取時間跟家人見面，噚日被影到於餐廳內跟家人一齊食飯。而姜河那見到粉絲時亦親民地又合照又送簽名，心情似乎非常好。雖然好快就當兵，不過姜河那噚日現身時就仲未剃頭，未知聽日入伍時，佢會唔會公開剃頭後嘅新look。