老店丹麥餅店剛以6,800萬元易手，店主面臨大幅加租壓力。前港腳兼足球評述員蔡育瑜說，八十年代踢南華時已是顧客，「佢既食物款式，咁多年都無變過，我仲以為係佢既自置舖位。炸雞脾、雞翼、熱狗，啱後生仔口味，好好生意，呢間舖捱到今時今日依然健在，真係硬淨。」大哥瑜如今健康至上，已鮮吃junkfood。

另一評述員馬啟仁廿年前入行做體育記者，經常因到大球場採訪而順道光顧，「嗰時排晒大隊，依家都仲係！」他至愛該店的熱狗及漢堡包，「好少舖頭會賣中式漢堡，個包好厚，食一個好飽肚。」他說此店的客源不止球迷，連OL亦有捧場，因此球市低迷亦沒大影響，「佢哋連賀歲波都唔開啦。」