無綫前首席化妝師陳文輝今年6月發現患癌，於港島區一間醫院接受治療，昨晚離開，享年81歲(新聞連結： http://bit.ly/2xhkwk9 )。

輝哥一對巧手，曾為電視台小生花旦變美，他曾為粵劇名伶蓋鳴暉化妝，對於輝哥昨晚中秋節離開，蓋鳴暉今日接受《蘋果》訪問時，婉惜不已，她說：「我入行不久就係輝哥同我化妝，我都入咗行27年，認識輝哥呢段日子，佢係一位平易近人嘅長輩，好肯教後輩嘢。輝哥會做到老、學到老，佢份精神好值得唔同範疇嘅人學習，佢老中青都啱傾，冇架子，仲成日會鼓勵後生仔。」

蓋鳴暉大讚輝哥化妝技巧，她說：「佢畫眉手勢好靚好細緻，眉眼妝係好影響輪廓，輝哥粉底又貼又薄，我當年入無綫拍劇都係輝哥化，拍劇時間長，十幾個鐘，如果係咁補妝會好厚，輝哥為我化嘅底好薄，又會腮位同我哋上陰影，令到出嚟好多層次，出鏡就立體好多，佢化妝堅持慢工出細貨。」

蓋鳴暉表示早前知道輝哥患癌時，她致電輝嫂慰問，她說：「畢竟人係會經歷生老病死，希望輝哥一路好走。」