【李八方online】田少跨區到九西為狄志遠拉票
李八方狄志遠田北俊
田少(右)今日暫停選舉工程,殺入九西幫拖狄志遠。新思維提供圖片
自由黨同新思維,前者打正中堅中立招牌,後者就話走中間路線,兩個黨路向似但向來冇乜交往,但同李梓敬合組名單參選新界東嘅自由黨榮譽主席田北俊,今日下午卻突然殺入紅磡,為出戰九龍西嘅新思維狄志遠站台,何解?田少話認同對方理性溝通嘅理念,所以特別到場支持。
嗱,選舉百忙間都幫第二個黨拉票,係咪想新思維「禮尚往來」喺新東幫返自由黨先?田少話冇咁嘅事,強調幫狄志遠唔係為咗換取新思維支持,自言願意支持任何理念相近嘅候選人,仲話新思維成立不久,票源唔太多,唔相信自由黨喺新東要靠新思維嘅票!
自由黨今次新東名單由李梓敬排頭位、田少抬轎,但據港大民調,佢哋嘅名單支持度落後緊喎,田少話如果選民知道佢排名單第二,一定會支持佢哋!
同區參選人詳見此網頁:
http://hk.apple.nextmedia.com/legco2016/region