【金沙泳池晒背肌】湯姆賀倫新加坡見fans宣傳《蜘蛛俠》
蜘蛛俠Spider-Man: HomecomingTom Holland湯姆賀倫
蜘蛛俠又再reboot!即將於7月上映嘅全新作《蜘蛛俠:強勢回歸》(Spider-Man: Homecoming),將由英國21歲男星湯姆賀倫(Tom Holland)飾演第3代蜘蛛俠。呢位史上最年輕英雄,呢兩日就飛到新加坡宣傳新作,不單於著名嘅金沙酒店無邊際泳池游水,更於IG大晒背肌。
「蜘蛛仔」呢兩日宣傳活動非常緊密,噚晚同一眾打扮成蜘蛛俠嘅fans合照後,又出席紅地氈接受傳媒訪問,更透露自己相係透過睇Marvel IG先知自己得到角色:「佢哋都冇打電話俾我,IG仲早過我知自己係蜘蛛俠!」。呢位新蜘蛛仔作風非常親民,令一眾在場少女瘋狂尖叫,搶盡風頭。