賴汝正說：「體育節目太重要。」

我知我知，重要的進程，恰與他的仕途正成比──從電台有聲冇畫，到跳入無綫公仔箱，到在亞視始創不插入廣告，到有線歷史性足本英超，通通關佢事，香港人越來越愛睇波，水漲船高搞到要收費台才有得睇，繼而樂視以天價購入俄羅斯世界盃，賴汝正亦坐上樂視體育CEO位置，然後在開波前夕，公司熄燈，CEO離場。

人和事都物極必反，一句講晒。

辭職，並非甚麼急流勇退咁感性，賴汝正坦白得可愛：「是法例寫明，冇糧出，管理層要負刑責，唔想俾人拉，唔辭唔得。」

體育廣播界一哥，原該順勢榮休，放不下失業手足，帶領一班評述員和幕後，網上post文post片，到處找機會，兜兜轉轉落戶到收音機講波，彷彿做回入行第一份工，六十六歲還原基本步，有何不可推倒重來？

正如香港甚麼都炒貴，終於貴到唔捨得畀錢睇，終於貴到拖垮一間電視台，這時，會懷念當年齋聽波已經簡單快樂嗎？

撰文：余家強　攝影：謝榮耀

全文將於今日《蘋果日報》刊載，讀者如欲一睹足本內容，萬勿錯過。