現年25歲嘅日模松岡李那（Linah），自從加盟王友良公司旗下之後工作不斷，好似近期佢就獲邀為BlaBlaBra拍胸圍內衣宣傳相，短短幾粒鐘已經穩袋5位數字酬勞。影相當日，Linah仲先後換上多款鮮艷顏色胸圍內褲，大騷33C湯碗胸。

「我不想騙人」

今年初Linah同潮牌Ground-Zero老闆朱柏弘（Philip）拍拖，Linah經常大賣性感，莫非唔驚男友詐型？Linah話：「沒有，其實我也不是經常行性感，但近期我工作忙，沒時間跟他見面，他反而對此有微言。」Linah遲啲唔單止要港、日兩邊飛，仲會去埋內地登台唱歌搵人仔。
原來，有多間內地酒吧想搵Linah着泳衣打碟，酬勞仲相當吸引，不過Linah全部推晒。佢話：「打碟是一門學問，我不想騙人，所以寧願唱歌表演好了。」早排許穎Phoebe等模喺夜店學人打碟，唔通Linah寸緊Phoebe？