【哽咽兼甩咀】老婆「玄壇」樣 梁炳話：我依家好悶0架
蘋果日報 2013/11/04 06:00
九展梁漢文安仔Karen吳國敬42歲玄壇半邊生命
梁漢文講到0依家酒飲少咗，生日正日就陪太太同媽媽，仲話自己好悶。(攝影：仇志德)- 唱《用力一抱》時，因為樂手出錯，所以唱咗三次。
- 唱到《半邊生命》嘅時候，梁漢文一度哽咽兼甩咀，場面好感人。
- 0依晚梁漢文唱起歌上嚟都好感觸咁。
- 成班兄弟送咗個豬仔蛋糕畀梁漢文，有冇暗示0架？
- 安仔話激動到想喊，睇樣又真係好似忍緊眼淚咁。
- 蘇永康話Karen「玄壇」咁嘅樣，但都唔係丫，Karen笑得好開心喎。
- 周美欣0依晚都有做到梁漢文嘅嘉賓。
梁漢文噚晚喺九展舉行「半邊生命音樂會」，眾兄弟上台同佢預祝牛一，安仔仲話激動到想喊，眾人又起哄叫Karen上台獻吻及一起切蛋糕，但Karen卻沒有反應，蘇永康就話：「佢唔會啦，睇佢『玄壇』咁嘅樣。」最終Karen都係冇上台。
到安哥環節嗰陣，梁漢文指因為之前演繹《用力一抱》時樂手有少少出錯，所以指重唱此曲，點知樂手喺中途再度出錯，所以梁漢文噚晚前後唱咗《用》歌三次，又唱咗兩次《半邊生命》。當唱到尾聲時，梁漢文更一度哽咽兼甩咀，場面都幾感人。
事後梁漢文接受訪問嗰陣，就死撐頭先冇喊，仲話：「冇呀，冇呀，想咳，病咗成個星期。」對於太太Karen唔肯上台，又俾蘇永康當眾指「玄壇咁嘅樣」，氣氛有啲尷尬，梁漢文就話：「聽唔到佢咁講，咁尷尬就唔好上啦，佢哋想鍚我唔使搵代表，四個咀一齊錫埋嚟就得。」不過呢，Karen唔係成晚都玄壇0架，佢有笑，而且笑得好開心，可能只係咁啱阿公嗌佢嗰陣佢專注影相，所以冇咩表情啦。
而完騷後會與兄弟飯聚，梁漢文更直言今時唔同往日，食飯亦只會飲兩杯酒，正日就陪太太同媽媽。梁漢文笑道：「我依家好悶0架，冇乜花邊新聞，太太前幾日仲笑我，睇番我以前飲醉酒嘅新聞，佢唔係警惕，每人都有自己過去。」至於是否希望今年攞大獎，梁漢文就話：「希望0架，等咗好耐有好歌，心情又好開心，今年一切都好順利，心情好個樣都靚仔啲，冇以前兩年咁憂愁。」
到安哥環節嗰陣，梁漢文指因為之前演繹《用力一抱》時樂手有少少出錯，所以指重唱此曲，點知樂手喺中途再度出錯，所以梁漢文噚晚前後唱咗《用》歌三次，又唱咗兩次《半邊生命》。當唱到尾聲時，梁漢文更一度哽咽兼甩咀，場面都幾感人。
事後梁漢文接受訪問嗰陣，就死撐頭先冇喊，仲話：「冇呀，冇呀，想咳，病咗成個星期。」對於太太Karen唔肯上台，又俾蘇永康當眾指「玄壇咁嘅樣」，氣氛有啲尷尬，梁漢文就話：「聽唔到佢咁講，咁尷尬就唔好上啦，佢哋想鍚我唔使搵代表，四個咀一齊錫埋嚟就得。」不過呢，Karen唔係成晚都玄壇0架，佢有笑，而且笑得好開心，可能只係咁啱阿公嗌佢嗰陣佢專注影相，所以冇咩表情啦。
而完騷後會與兄弟飯聚，梁漢文更直言今時唔同往日，食飯亦只會飲兩杯酒，正日就陪太太同媽媽。梁漢文笑道：「我依家好悶0架，冇乜花邊新聞，太太前幾日仲笑我，睇番我以前飲醉酒嘅新聞，佢唔係警惕，每人都有自己過去。」至於是否希望今年攞大獎，梁漢文就話：「希望0架，等咗好耐有好歌，心情又好開心，今年一切都好順利，心情好個樣都靚仔啲，冇以前兩年咁憂愁。」