當年今日
關於我們

【全城禁聚】渣哥被食環踩場徹查 戥行家被「成隊兵用槍掃」慘

蘋果日報 2020/04/03 00:00

蔡強榮渣哥大渣哥禁聚令

近日政府因要武漢 疫情 ,不斷推行減少社交人數的措施,當中有實施禁止4人以上公眾地方聚集的「禁聚令」,當中包括食肆,每間餐廳入坐率需減半,桌與桌之間要有至少1.5米距離等,令陷入寒冬的飲食業更惡劣,而食環署近日就不會巡查食肆等檢測執勤,杜汶澤就覺得食環專揀黃店食肆做巡查,間接影響小店的生意,而阿澤更叫食肆要在艱難時間戰鬥到底。
譚小環老公「渣哥」蔡強榮在九龍灣開設了大渣哥茶記今日亦受到食環署來巡查,渣哥就有在IG貼了一段與食環署女職員對話,當中渣哥更拎尺量度餐桌距離,渣哥在片中反問為何只得她一個,之後與對方講:「唔知今日點解得你一個嚟,我見人哋嗰啲係成隊兵,lunch見人哋食肆慘到不得了,全部位得一半,仲要人哋最旺時候去搞,即係立心不良,好似你咁靜靜地一個人嚟咪好,成隊兵嚟人餐廳,不如你用槍掃。」
之後,渣哥在帖文留言:「親愛的,終於來了⋯⋯ 嗱,就咁嘅,當淨係得食環嚟,又唔係傳說中咁咩嘅,講真呢位女仕真係好好禮貌,前後幾分鐘就走咗,又無騷擾食客,其實都真係無乜咩嘅。又其實講到食環⋯⋯我熟過你嘅。」《蘋果》問到渣哥今日巡查情況,他表示:「今日撞正我喺舖頭食緊嘢,嗰老總話畀我聽,我咪望下,都好好禮貌,一個女,唔知係唔係幫辦,唔係搞咗好耐,搞咗幾分鐘,都冇乜影響啲客,好快就走咗。如果食環去查所有食店,都係用咁嘅standard、態度,相信怨氣會少啲,唔好掃兵咁去,揀人哋最旺時間去,唔係咁好,食肆已經好慘,仲雪上加霜去搞,為咩呢?」再問到禁聚令對他的生意有否影響,他說:「擺明Cut咗50%位,當然會有影響啦!」
empty
empty
empty