「港版國安法」殺到、民主派初選投票、現屆立法會會期結束。嚟緊不斷有大事發生，身為民主派一員、公民黨黨魁楊岳橋假期前夕突然直播玩「你問我答」，回顧吓4年議員生涯，當中少不了佢嘅 「dead body論」、棄權票、缺席等。俾人笑咗咁耐，呢次楊岳橋終於道歉，向大家講「對唔住」。

咩叫dead body論？八方唔解釋喇，有興趣就自己Google啦。楊岳橋自言，俾人洗版咁叫佢dead body，唔開心就梗有，但佢知道身為從政者，被人批評係「天經地義」，開放嘅社會本來就應該對從政者苛刻。之但係當時點解會咁講？佢話當時新東補選，梁天琦嘅造勢大會非常成功，佢同自己團隊都好大壓力，話就話事前準備晒講稿，但當講到司法制度有險可守嗰陣，佢脫咗稿爆出dead body論，佢仲話如果有時光機返番轉頭，佢會同自己講：「唔好咁有情緒喇。」

咁嚟到而家，法治仲有冇險可守？身為大律師嘅佢，喺反送中運動中試過用返專業身份做嘢，試過喺旺角警署俾警察擋住唔畀入去。而平時探手足，同手足傾開案件、法官、大狀等，對手足嚟講都係好活生生嘅事，所以佢唔可以同手足講「法治死咗㗎喇，對唔住」呢啲咁嘅說話。佢仲話，其實唔少被囚手足都希望外面嘅人醒醒定定、團團結結，唔好鬥黃，只係想大家喺未來嘅日子都努力、團結，喺初選揀啱心水嗰個人，然後服膺個制度，為35+努力。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多