繼續撐|餐廳一口氣購100份免費派 「想多啲人了解《蘋果》係一份敢言、敢作、敢為嘅報紙!」
繼續撐《蘋果日報》餐廳免費派
保安局於上周宣佈,凍結壹傳媒集團創辦人黎智英資產,隨之而來指《蘋果日報》將被取締消息甚囂塵上,《蘋果》連日來如常出版,繼續求真,讀者亦不離不棄繼續支持。有餐廳員工一口氣買下100份《蘋果》,讓食客任攞,「想多啲人了解《蘋果》係一份敢言、敢作、敢為嘅報紙!」
位於灣仔的「真黃報紙檔」貼滿《蘋果》連儂牆和文宣。檔主貞姐今日笑問「可否加多啲《蘋果》畀我?有客突然一口氣想攞60份,我畀咗40份佢咋。」原來是同在灣仔區一間餐廳的老闆,指派員工到報檔買下多份《蘋果》。
餐廳員工趙先生推着購物車仔前來取報,他在其他報檔亦買了《蘋果》,前後共買了100份。 「我同老闆都覺得成個大氣候唯一敢發聲嘅報紙老闆都搞成咁,未定罪坐監坐咗成年,我哋唯一做到係盡力撐,買實體報紙,唯有係咁樣做,延伸發聲的權利。」問到會否認為《蘋果》被政府取締的可能性,趙說「其實都有咁嘅想法,同埋覺得會咁做,所以更加要支持。」
若他日《蘋果》被取締,他會否轉看其他報紙?趙不諱言「如果唔睇其他報紙,到最後唔會再睇,因為全部都唔係事實嚟,睇嚟冇乜意思,單方面發聲冇乜意思,一定要雙方,好似拍掌要兩隻手先拍得響!」
他說將買來的報紙放到位於灣仔道的餐廳門口,寫上「隨便攞、撐蘋果」字樣,「等多啲人了解《蘋果》係一份敢言、敢作、敢為嘅報紙,其實噚日已開始派,希望派報紙可維持一段日子。」
餐廳於中午12時營業,趙先生將《蘋果》放在門口,他說昨天放了60份,約兩小時派完。今日則前後買了共100份《蘋果》,同樣放門口「任攞」,「今日相信5點前就派完,應該好多人攞,唔需要幫襯先攞。」
餐廳員工趙先生指老闆一口氣買下100份《蘋果》派畀客,是希望「 等多啲人了解《蘋果》係一份敢言、敢作、敢為嘅報紙。」
趙先生推着載了其中60份《蘋果》的車仔離開返回餐廳。
-----------------------------
-----------------------------
-----------------------------
你敢爆,我敢獎! 立即Signal 63836568、
WhatsApp 《蘋果》24小時爆相爆片熱線