當年今日
關於我們

【官恩娜訂婚】相識全靠SpeedDating J先生早有部署寄信自薦

蘋果日報 2014/11/08 06:00

蘋果官恩娜即時SpeedDatingJ先生

自認係港女的你,最好,都係唔好睇以下呢段文,否則……唉;如果你自認毒男,最好,亦都唔好睇……否則……唉!

是咁的,當年剛踏入三字頭嘅官恩娜,樣靚,唱歌勁好聽,身材更是標青,有家底,但,女神需要愛。不過當然,追求者大不乏人,但勢估唔到,最後佢識嘅男朋友、亦即係佢依家位外籍醫生未婚夫Juan,竟然係靠Speeddating認識嘅!

查實呢,佢兩個靠相睇活動而識都唔係秘密,不過想溫馨提示大家「人生有希望」咁解啫。話說09年2月,官恩娜幫一間SpeedDating公司做宣傳,當日竟然遇上J先生,就係咁搞掂咗。

該SpeedDating公司「LunchActually」創辦人之前接受過周刊訪問,大爆官恩娜同J先生係一撻即着。「因為Ella外國返嚟英文好好又活潑,所以搵佢做情人節宣傳,嗰位男士(J先生)知道我哋招募緊單身男士畀Ella,於是寫信嚟自薦同Ella見面。」

創辦人先生仲爆料話:「我哋根據Ella列出嚟嘅擇偶條件,包括高度、背景、嗜好同興趣,喺10位(候選)男士內搵到呢位醫生男士,仲約埋佢哋喺中環食咗個fastlunch。佢哋當日好好傾,過程好愉快,不過我都係後來睇報紙先知佢哋一直發展到而家。」

就係咁喇!嗚嗚…