【條件遜光希?】木村大女吹長笛參賽 心美近照曝光
木村光希木村心美木村拓哉工藤靜香
日本男星木村拓哉嘅17歲大女心美盛傳準備入行,雖然今年參加音樂公開賽名落孫山,但卻獲多間唱片公司密斟,隨時出碟做歌手,而心美早前參加賽事嘅照片終在網上曝光。
據剛出版雜誌《Friday》報道,心美仍就讀國際學校桐朋女子高校,從小到大接受良好教育,講得流利英語及精通法文,由於心美天資聰穎,更是個音樂天才,小學曾在山野樂器舉行嘅音樂公開賽成功奪獎。今年8月,心美亦參加全日本學生音樂大賽嘅長笛公開賽,可惜未能入圍,雖然心美對音樂充滿興趣,但桐朋女子高校嘅校風嚴謹,校規亦列明不准學生當藝人,所以心美要待明年初畢業後才可以入行發展。
心美參賽照片於網上公開後,引起網民討論,有人睇完照片認為心美樣貌不及妹妹光希,而且又唔似光希擁有一雙長腿及1.7米之高䠷身材,目測心美身高只得1.5米多,外界指心美係個八頭身美少女原來只係誤傳。
精選娛聞,喺晒《娛果》
http://fb.com/appledailyent
17歲木村心美今年參加全日本學生音樂公開賽,令其樣貌曝光。