當年今日

歐寶新Corsa有望7月登場

蘋果日報 2002/06/10 00:00


細車熱潮襲港,真係擋都擋唔住;除一眾日本車之外,早前亞Mark曾經提及過嘅德國歐寶Corsa,代理經已鐵定響嚟緊嘅7月,再度打入香港市場喇!為迎接新一代Corsa嘅到臨,代理更決定斥資響灣仔告士打道多開一間陳列室㖭!究竟新Showroom響邊度?咪係毗鄰人頭馬車行,早前以本田Mobilio作號召嘅HonorMotorsShowroom舊址囉!唔止咁呀!響今個月中佢哋重邀請一班香港傳媒,到台灣實地試車㖭!查實,舊有Corsa亦曾響香港掀起一股小車熱潮;皆因當年Corsa以德國製嘅規格,自然比較起日本車勝一籌外,Cute嘅造型同份量十足嘅設備,亦會係賣點所在。聽聞再度打入香港嘅新一代Corsa,主打會係1.2公升同1.4公升型號,既有新穎嘅+/苭b自動波,又有富駕駛樂趣嘅手波版,相信會給一眾日本車構成一定嘅壓力㗎!