隨住電子遊戲《NBA 2K18》快將面世，遊戲畫面亦不斷曝光，近日仲有人將火箭對雷霆嘅打機片段放上網㖭！眼利嘅網民就發現中國球員周琦嘅能力值有69，喺火箭排尾二，只係比後衞卡達文（Tim Quarterman）高兩分。

NBA 2K系列中，新秀的嘅能力值大多數都同選秀順位成正比，做為2016年選秀會嘅第43籤，周琦能力值得69都算係咁；據悉呢位中國前鋒今夏同火箭以557萬美金簽約四年，唔知佢可唔可以喺新季爭取上陣機會，令自己嘅能力值有所提升。