由三哥苗僑偉、黃宗澤、萬綺雯同周麗淇合演嘅無綫新劇《好心作怪》，前日(周一)已經出爐，第一日收視有24點，即約154萬人次收看。之前話黃宗澤話如果有30點(即約192萬人次收看)嘅話，三哥會著泳褲、周麗淇著三點式。咦，仲爭6點喎，成38萬人次，有排追喎。

拿，第一集有踩單車好健康，不來第二集先有重口味嘢！話說第二集嘅《好心作怪》，方自力(苗僑偉飾)心臟病入院，佢公司嘅生意夥伴KY(陳榮峻飾、點解叫KY咁大整蠱？)就想謀朝篡位，方自力老婆唐善行(萬綺雯飾)都已經阻止KY有機可乘，而且KY成日話同方自力拍檔咗好耐，咩「一條底褲兩份著」...

之後俾方自力知道KY嘅詭計，又覺得佢講乜嘢「底褲兩份著」好煩，就親自出馬，仲攞埋條底褲去「請佢食」！係，係真係請佢食，方自力叫手下「躓」落佢口呀...條底褲仲要係「收樓桓」(陳狄克飾)因為俾警察拉咗去差館、著咗成晚冇沖涼嗰條，真係好核突...

劇透話過，黃宗澤飾演嘅心臟內科醫生角色(即係哥哥姚日山、同周麗淇拍緊拖呢個)會死，個心就會換俾方自力；下集預告話聽日就玩換心喇，仲有萬綺雯出軌偷食「DeeDee」袁偉豪添，唔知各位觀眾會唔會繼續追睇？



《蘋果日報》動新聞新版AndroidApp正式面世喇！Hit一吓，動全新！已經Download咗舊版App嘅朋友，請去返PlayStore手動更新；至於iPhone版嘅新版App，7月就會出街喇！

未download嘅，梗係即刻下載啦↓↓
http://bit.ly/Zbhry3