《蘋果》前日踢爆，新世界車公廟溱岸8號樓盤廣告標榜的一望無際城門河景，有誤導之嫌，實情是樓盤旁邊的神召神學院舊址，已被新地和恒隆收購，準備發展大型酒店，到時對樓盤中低層河景難免受阻。
報道刊出後，地產版同事前日到售樓現場，發現場面較前冷清，首批開售的186伙，只售出75％，未能清袋。這沒甚麼奇怪，奇在記者訪問了一位買家黎先生，並在昨天財經版大篇幅報道，他的論點不單令沙膽虹嘖嘖稱奇，簡直有點匪夷所思。
黎先生對於溱岸售樓書並無提示關於旁邊可能興建酒店的字眼，竟然答話：「冇講唔代表誤導，如果係而發展商答你唔係先算。」沙膽虹心諗，如果係而答唔係，就已經係欺騙啦！明明有物業發展會遮擋而繼續標榜無敵河景，仲唔係誤導又係乜呢？哪裏跑來一個咁體恤發展商的用家？
黎先生還說，作為用家，自己應該要知道買嘅嘢附近係乜環境，要做好資料先入市，不可靠單方面資訊。沙膽虹覺得黎先生此言雖不無道理，買家真的要多做工夫和實地考察才買樓，但這不等於發展商可以誤導消費者！
沙膽虹曾聽說發展商有時會放些「媒」在售樓現場，幫樓盤吹噓或消毒，沙膽虹真的不知今次《蘋果》是否遇上所謂的「媒」，但這樣一個咁pro發展商的用家，真係少有。
沙膽虹