港股近日經常高開低收，已連出了三天陰燭，到了昨天，大家終可再次見到陽燭，暫時止住近日的弱勢。昨日下午3點後大市彷彿又想開倒車，令投資者以為像早幾天一樣，升完又跌，不過市場先生今次就轉一轉個玩法，震完就拗番個身上去，最終期指升286點收市。
雖然大市走勢好轉，但話好又唔算好，上升的股票數目只係比下跌的多出40隻，大市成交額僅逾700億，有些平日有相當成交的個股，竟然出現買賣兩閒的情況，似乎投資者都在觀望昨晚愛爾蘭國會能否通過2011年預算案，從而接受歐盟及IMF提供最高850億元的援助，市場估計會有點難度，因為執政黨在國會只係比反對黨多兩席，隨時會有意外，不過士佳認為現時的情況係有人想借錢，亦有人想借錢畀人，估計愛爾蘭最終都會接受援助方案。若然通過，相信市場又會將焦點放回QE3，然而，士佳認為短期內出QE3的機會不大，只係俾人不停問，伯南克就借電視節目發爛渣，連出QE2都已經咁多爭拗，要咁短時間再出唔係咁容易。

每跌500點就加注買貨

而且，主持的問題也確實有點弔詭，問伯老有無可能再出QE，伯老身為政治人物，當然不會貿然答無，市場亦清楚伯老只係靠嚇，講完之後，港股都係到昨日先出到支陽燭。
現階段做法好簡單，繼續當22755為大市底部，趁市靜慢慢收集股票，一穿底就會反手沽期指，每跌500點就加注買股票。當大家覺得佢唔會再跌而跌穿，難免會有陣痛，跌幅可能會比大家想像多，惟有借沽期指，以戰養戰，同時亦可以沽期指賺來的錢增加子彈買股，以免跌下來都無彈藥撈貨，而手上持貨唔多的投資者，亦應趁這個機會分段吸納，既然估係資源泡沫，當然要吼各方面會增值的資源股。

張士佳
寶來證券（香港）董事　投資服務部
mailto:[email protected]