廖的決定令到在席民主派議員譁然,公民黨郭家麒表示,過去甚少聽聞有委員會主席定明不接受議員的書面質詢,「議員22日後就冇新提問、新觀點?除非你有水晶球先知會知道」。民主派議員區諾軒亦批評廖設立規矩特別嚴苛,從未聽過法案委員會連書面提問都要設限,認為有關做法等如剝削議員審議權力。
民主黨許智峯認為有關做法不符法案委員會將所有觀點都徹底討論原則,要求立會秘書處交代是否有先例,廖長江聞言後即說:「冇先例!係我做嘅決定,係我以委員會身份做嘅決定。」反指許未經他批准在座位上發言,驅逐許智峯出會議廳,許隨即在四名保安員包圍下被抬走,其間一名保安員疑似出手屈許智峯手踭,令他手踭受傷,該名保安員反指許「打咗我同事一踭」。
許智峯下午見傳媒,指到瑪麗醫院驗傷後,醫生稱他右手腕關節由於受到大力拉扯,令手腕軟組織受傷,需要敷藥止痛,又稱當時保安員捉住他的方式與警方清場時對付示威人士方式相同,「要刻意用一種議員感到好痛嘅方式去抬走」,質疑行管會是否容許保安員可隨意打傷議員,「我希望嗰位保安員出嚟公開澄清」,他亦決定就事件報警,「因為我見到今次係有個別保安,係刻意去扭傷、去令議員覺得痛,呢種我覺得係一種人身襲擊,如果我哋唔提出最大嘅投訴,呢種暴力係會升級」。
■記者林俊謙