【本報訊】廖慶齊對天文學的熱忱，啟發了多代人。港大微生物學系講座教授袁國勇，及食物及衞生局局長高永文是廖在皇仁書院的學生，有幸到老師上水祖屋天台的私家天文台，欣賞他親自設計的12.5吋口徑反射式望遠鏡。袁國勇說：「當時覺得冇可能，原來呢個世界上，有人做到呢啲嘢，好impress（印象深刻），係一個震撼 。」

「留低一份執着同求真」

袁國勇說，中二開始跟廖老師學習觀星，「佢講好多天文知識，當時黑洞係好前衞嘅學說，佢講得好好，好精采」。「我鍾意做研究，肯定係老師啟發我。搵微生物同睇星一樣，人同動物有好多病菌，天上有超過億粒嘅星，只係我用顯微鏡，佢用望遠鏡。」雖然老師離世，「留低佢一份好奇心，執着同求真」。
高永文稱，上周知道廖老師病情惡化，昨獲悉老師病逝感傷心。他記得中一及中二老師教歷史及書法，「老師教書好有威嚴，唔係惡」。中四他參加天文學會，曾到老師私家天文台，看見村屋有個斜面屋頂，可打開電動天幕，展示當時香港最大的天文望遠鏡。他指：「老師態度好認真，能力好高，靠食飯時間同放學之後，計劃天文學會嘅事」，也教識他用同一樣態度做人及醫生。