英國名模姬蒂摩絲（Kate Moss）因妹妹Lottie Moss嘅個人Facebook帳戶遭黑客入侵，以致佢兩姊妹嘅私生活照外洩。

據指黑客從Lottie帳戶，取得姬蒂摩絲今年初慶祝生日，以及佢同現任男友Nikolai Von Bismarck嘅蜜照，而Lottie好快已經取回account重新登入Facebook，之後佢仲喺Twiitter承認賬戶曾經被hack。

姬蒂摩絲一年多前已經同音樂人Jamie Hince分開，結束4年嘅夫妻關係，之後一直未有佢哋已經正式離婚嘅消息，更指姬蒂已經接受咗現任男友求婚，不過佢仍未同前夫撇清關係成為一大阻滯。而據英國《太陽報》報道，姬蒂已向模特兒好友透露已經離婚，報道指佢同Jamie幾個月前已經達成協議，低調處理咗離婚，佢哋嘅共同財產大部份歸姬蒂，Jamie就可以獲得兩人結婚期間所買嘅藝術品。