【破產‧重生】附加賽奏凱連續兩季升班 帕爾馬意乙見!
意甲帕爾馬破產保方意乙阿歷山度盧卡利尼意丁
【新增影片】
帕爾馬back-to-back升班,來季意乙見!意大利老牌門神保方嘅母會帕爾馬,真係細細個就聽過呢個名,可惜2015年因為破產而跌落第4級別嘅丁組聯賽作戰,大部份球員亦「大難臨頭各自飛」,只有後衛阿歷山度盧卡利尼夠晒忠誠隨隊降班。經過兩季耕耘,現年39歲嘅盧卡利尼同全隊上下嘅努力終於冇白費,皆因佢哋喺周六意丙升班附加賽決賽以2:0擊敗阿歷山迪亞,連續兩季升班下彈上意乙!
帕爾馬自降落意丁後獲得當地商人注資,並改變球會營運模式,透過引入球迷集資令fans們持有25%股權,並嚴格控制開支,勵精圖治下先喺2016年升上意丙,過去一季意丙B組(北部及中央東部)聯賽僅次維琴察排第二,要透過附加賽爭取升班,連續闖過8強同4強後,決賽憑中場史卡禾尼同前鋒諾斯奧連尼各入一粒,2:0淘汰阿歷山迪亞,取得升班席位,距離重返意甲只差一步!前阿根廷射手基斯普亦有入場,見證舊會升班。
↓帕爾馬升班附加賽贏波!↓
http://bit.ly/2sCo6ab