仍然養緊傷新球會未有著落嘅伊巴謙莫域，日前喺佢自己社交網放咗段片，展示佢個新銅像。雖然個雕像仲係製作中，但睇到個頭像嘅雕功相當唔錯，仲keep到伊巴嗰股氣勢。早排C朗個銅像造型笑死街坊，睇嚟C朗下次再整雕像，不妨問下伊巴幫佢整嗰位師傅嘅電話。

伊巴呢個新雕像有名堂，叫做「symbol of Sweden（瑞典之象徵）」同真人一樣氣勢十足。其實伊巴冇耐之前先有自己雕像推出過，「Statue of Zlatan（薩拉坦雕像）」喺上年12月亮過相。

36歲嘅伊巴目前康復進度良好，已經可以簡單踢下波，好快可以復出。