當年今日
關於我們

一味窩輪:平水值86仙4441抵到爛

蘋果日報 2005/02/15 00:00


雞年首日紅盤有睇頭,恒指升171點,上破萬四。滙控(005)升1.50元,收132.50元,帶動恒指上移54點。3個月前,滙控最高136.50元,估計雞年唔使好耐,可破上次高位,然後更上一層樓。渣打(2888)升4元,收148.50元,撲向月前新高,對滙控亦會起帶動作用。
滙控C輪4441:滙控C輪槓桿率大嗰批,例如4507、4550、4659與4447,升幅29%至47%。滙控如果幾蚊幾蚊咁跳升,揸槓桿率大嘅C輪當然賺到笑。不過,唔想太刺激,始終揀最大成交金額嘅4441,比較着數。4441如果跟足正股(升1.50元),應升15仙,昨日只升得4仙。隻輪6月尾到期,輪價68仙,溢價負1.4%,槓桿率19.5倍(有效17.1倍),引伸波幅7.4%。就算計埋正股未來兩季派息估計2-2.5%因素,都冇理由有1.4%負溢價。其他多幾個月嘅C輪有溢價,如果4441冇溢價,嘩,原來值86仙,68仙可以買到,抵到爛。想搏殺啲,買3682。
中銀C輪9169:中銀(2388)收14.65元,升0.10元,有機會繼續升。買C輪,揀9169,輪價22.5仙,溢價負0.1%,槓桿率6.5倍(有效亦係),末日輪唔使理引伸波幅,要留意下周二最後交易。唔想賭末日輪,揀4578,7月尾夠鐘,輪價10.1仙,溢價3.8%,槓桿率14.5倍(有效8.6倍),引伸波幅22.1%。
章盛