告東尼上季鬥到最後一晚，先至失落冠軍，豈會甘心？今季他的質新馬進度理想，近期搏殺手風大順，目前得42W，落後榜首蔡約翰只有六場，重燃爭標希望，相信練者在煞科前，肯定盡力爭取頭馬，這輛順風車唔怕搭。
第二場四班1200米，「天天精神」未正式出賽之前，就已經被安排兩度出試谷閘，一次試1200米留後跑，一次試1700米放頭走，而上場在港初出，就報跑谷草1000米，似乎練馬師有心部署這匹質新馬專攻谷草。此駒上仗起步慢閘，前中段大墮後，但末段走勢強勁，造出22秒77全場最快末段時間，雖然衝線時名次只得第十，但過終點後餘勢勁到不得了，衝過彎位都未收得停，追過埋跑第四的「開心歡笑」。FlyingSpur子嗣普遍早熟兼有速度，而此駒的形格腳法相當吸引，馬身長且步幅大，出腳重心低，有前廐侶「卓爾名駒」的影子，四班肯定留唔住，至少有20分在手，絕對值得跟進，今跑1200米更利追，排一檔只要順利出閘，可贏馬開齋。
詳盡內容可留意明日蘋果日報或蘋果馬網 http://hk.racing.nextmedia.com/